Miliarderi australian, Clive Palmer nisi nga puna “klonimin” e Titanic, anijes gjigante trans-atlantike që u fundos tragjikisht në vitin 1912, në udhëtimin e parë të saj nga Anglia drejt Amerikës. Palmer punësoi dhjetra inxhinierë që pasi studiuan imtësisht skicat e ndërtimit të Titanic, dorëzuan projektin. Ky projekt po jetësohet në Kinë nga CSC Jinling Shipyard. Miliarderi australian thotë se puna për ndërtimin e anijes e shndërruar në mit edhe falë filmit të 1997 të James Cameron, do të përfundojë në vitin 2016.

Ai shprehet optimist se në muajt e fundit të po këtij viti, Titanic II do të niset nga Sauthemptoni drejt Nju Jorkut, i njëjti udhëtim i “binjakes” së saj, por me ndryshimin e vetëm që Titanic II do të mbërrijë në destinacion, nuk do të fundoset. Para 750 milion vitesh India dhe Madagaskari ndaj vetëm nga Mauritia, ndërsa sot janë kilometra distancë larg. Studiuesit mbërritën në këtë përfundim pas studimit të rërës në plazhet e Mauritusit. Mes tyre ata ranë në gjurmë të grimcave që i përkisnin një shpërthimi vullkanik që mendohet se ka ndodhur nëntë milion vite më parë. Zbulimi është kryer nga një grup shkencëtarësh norvegjezë të udhëhequr nga profesori Trond Torsvik.

Vdiq në moshën 95-vjeçare Stephane Hessel, ish-luftëtar i Rezistencës Franceze gjatë Luftës së Dytë Botërore dhe autor i manifestit “Koha për zemëratë” që nxiti protestat në mbarë Europën në vitin 2010. Vdekja e Hessel u njoftua për agjencinë e lajmeve AFP nga bashkëshortja e tij Christiane Hessel-Chabry. Hessel, hebre i lindur në Gjermani “shëtiti” kampet naziste përgjatë Luftës së Dytë Botërore për shkak të aktivitetit të tij në radhët e Rezistencës Franceze. Por më shumë se sa aktiviteti përgjatë luftës, ai u bë i famshëm për manifestin e vitit 2010, “Koha për Zemëratë”, ku bënte thirrje për një tjetër formë rezistence, për rezistencë ndaj padrejtësive të botës moderne, për rezistencë ndaj hendekut të madh të krijuar mes luksit dhe varfërisë.

Sipas mediave spanjolle, protesta e të indinjuarve që paralizoi për muaj të tërë fillimisht Madridin e më pas dhjetra qytete të tjera në mbarë botën, mori frymëzim nga manifesti i tij. Të mërkurën në rrjetin social Tëitter mijëra përdorures shprehën dhimbjen për ndarjen nga jeta të Hessel duke cituar thëniet e tij si: “Të krijosh është rezistencë, rezistenca është krijim”. Hidhërim për vdekjen e Hessel shprehu edhe presidenti francez, Francois Hollande. “Aftësia e tij për të protestuar nuk njihte kufij. Largimi i tij nga kjo jetë na lë një mësim të qartë: të refuzojmë pranimin e padrejtësisë”, thuhet në një deklaratë të kreut të Elizesë.