Ladorishta është një ndër fshatrat më të mëdhenj të rajonit të Strugës. Ai ka rreth 700 shtëpi dhe mbi 4500 banorë. Ky fshat ndodhet në pjesën jug-perëndimore të Strugës, rrëzë malit Jabllanicë dhe kufizohet me Republikën e Shqipërisë. Ka tokë pjellore, kullosa dhe pyje. Popullata merret me bujqësi dhe blektori dhe veprimtari të tjera, një pjes e tyre gjithashtu kanë bizneset e tyre private në qytetin e Strugës. Fshati është kodrinoro-malor dhe ka një lartësi mbidetare prej 700 metra deri më 820 metra.

 

Në Ladorishtë dikurë kanë punuar shtatë mullinj, ndërsa tani nuk ka ujë që të punojë edhe një mulli i vetëm. Banorët e fshatit Ladorishtë janë të gjithë shqiptarë. Në fshat funksionon shkolla fillore në të cilën e ndjekin mësimin 900 nxënes. Në fshat ka shum dyqane, puntori te vogla, fabrik , internet klube e tj. Në fshat është e organizuar jeta kulturore dhe sportive nëpermejt aktiviteteve te klubit futbollistik “ Përparimi ” dhe SHKA “ Valëet e Liqenit ” ku janë përfaqësuar nëper shum festivale si në vendin tonë ashtu edhe jasht duke u nderuar me shum çmime dhe lavdërata. Në Ladorisht gjithashtu ndodhen rrënjë të trashigimis kulturore si “ Ura e gurit ”( OPALE ). Popullata i takon religjionit islam dhe ka dy xhami.