Fshati Zhepin ndodhet 14 kilometra në verilindje të qytetit të Strugës. Deri në vitin 2004 gravitonte në Komunën e Dollogozhdës, dhe pas ndarjes së re territoriale me shkrirjen e Komunës së Dollogozhdës edhe ky vendbanim iu bashkangjit Komunës së Strugës. Zhepini gjendet në një lartësi mbidetare prej 720 metrash. Fshati ka mjafë tokë pjellore dhe për këtë arsye pjesa më e madhe e banorëve të këtij lokaliteti merret me bujqësi, dhe një pjesë punojnë nëpër sektore private. Si në ç'do vendbanim tjetër shqiptarë edhe ne Zhepin një pjesë e konsiderushme e banorëve jetojnë dhe punojnë përkohësisht në boten e jashtme.

Ky vendbanim është i vogël dhe është i banuar me shqiëtarë. Fshati Zhepin ka mbi 80 shtëpi dhe afër 350 banorë. Në fshatin Zhepin funksionon shkolla tetëvjeçare ku mësimin e ndjekin një numër i vogël nxënësish në paralele të kombinuara deri në klasën e katërt, ndërsa mësimin e mëtutjeshëm nxënësit e këtij vendbanimi e ndjekin në fshatin fqinj të Koroshishtës . Në fshat ka një xhami, shitori dhe disa puntori të vogla. Gjitashtu në këtë vendbanim ka edhe një ambulance private.