Fshati Podgorc gjendet 13 kilometra në perëndim të Strugës dhe në lindje të malit Jabllanicë. Ky fshat është kryesisht malor dhe kodrinor, në territorin e këtij fshati ka pyje dhe kullotoa dhe pak tokë pjellore. Ky fshat ka rreth 2700 banor të nacionaliteteve të ndryshme. Fshati ka rreth 650 shtëpi. Në fshatin Podgorc funksionon shkolla fillore ku mësimin e ndjekin 470 nxënës.

Në këtë fshat ka shitore dhe puntori private, dhe fabrika të vogla gjithashtu ka edhe ambulance. Popullata e këtij vendbanimi është e përzier, pjesën më të madhe e përbëjnë shqiptarët mandej maqedonasit dhe turqët. Popullata më së shumti merret me blegtori dhe bujqësi si dhe me pylltari, ndërsa një numër i konsiderushëm i banorëve jetojnë dhe punojnë jashtë vendit.